اسلام آباد۔ 11 دسمبر (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی پنی آدانشور، شاعر، ناول نگار، مٹ وبدل و ایڈیٹر احمد سلیم نا کزیت آ ڈکھیائی و است ہسونی نا درشانی ءِ کرینے۔ دوشنبے نادے آ راجی رابطہ نا پلیٹ فارم ‘‘ایکس’’ آ تینا ٹویٹ اٹی اوپارے کہ پنی آ دانشور، شاعر، ناول نگار، مٹ وبدل و ایڈیٹر احمد سلیم نا کزیت نا خبر ءِ بنگٹ بھاز است ہسونی مس، احمد سلیم مچ آ زند ثابت قدمی اٹ جمہوری قدر، خواری کش الس ، ملک انا پسماندہ ، محروم، نزور و مظلوم مخلوق آتا توار جوڑ مرساکرے۔ اوپارے کہ احمد سلیم نا کزیت کنکن ذاتی نسخان اسے۔ اودعاکرے کہ اللہ تعالیٰ ایماندار ءِ جنت الفردوس اٹ جاگہ عطاکے۔
