لاہور ہائی کورٹ 9مئی مقدمہ ٹی دزگیر پنچ دوبہ دار آتا ضمانت نا درخواست آتے جسٹس علی باقر نجفی آ گدریفے

لاہور۔ 11 دسمبر (اے پی پی) لاہور ہائی کورٹ 9 مئی نا جلاؤ گھیراؤ نا دوبہ ٹی نوشتہ مقدمہ ٹی دزگیر پنچ دوبہ دار آتا ضمانت نا درخواست آتے جسٹس علی باقر نجفی آ گدریفے۔ جسٹس شہرام سرور دوبہ دار آتا درخواستِ ضمانت آ بنائی سماعت کرے۔ دوشنبے نادے سماعت نا وخت آ عدالت ءِ پاننگاکہ داوڑنا درخواست آتیا جسٹس علی باقر نجفی مہالو آن سماعت کننگ ءِ دا درخواست آتے ہم تعلقدار بنچ آ گدریفنگے۔ فاضل جج دائر ضمانت نا درخواست آتے مستی سماعت کن جسٹس علی باقر نجفی آ گدریفے۔ دوبہ دار لقمان، اسحاق غوری پین پین ایڈووکیٹ عرفان فیض نا توسط اٹ ضمانت نا درخواست آتے دائرکرینو ہراٹی موقف اختیار کننگانے کہ دوبہ دار واقعہ نا وخت آ ساڑی الوکہ ولے مقدمہ ٹی رانا ثناء اللہ نا اُراغا جلہو کننگ و کارندہ غاتے ٹھپی کننگ نا دوبہ خلنگانے۔ پولیس سپلمنٹری رپورٹ اٹ دوبہ دار آتے پندار کرینے۔ درخواست گزار آتا وکیل موقف اختیار کرے کہ پولیس ہندن ءُ دفع خلک ہرانا اودے اختیار اف۔ پولیس نا مون آ جاست وپاست کن پیش مننگ خوارہ خواست ءِ کہ عدالت ضمانت آ رہائی نا پرمان کے۔ دوبہ دار آتا برخلاف تھانہ سمن آباد فیصل آباد اٹی مقدمہ نمبر 23/732نوشتہ ءِ۔