آرٹیکل 370 نا بابت بھارتی سپریم کورٹ نا فیصلہ کشمیری تا حق آ ڈاکہ اسے، امیر جماعت اسلامی

اسلام آباد۔ 11 دسمبر (اے پی پی) جماعت اسلامی نا امیر سراج الحق پارینے کہ آرٹیکل 370 نا بابت بھارتی سپریم کورٹ نا فیصلہ جور، ظلم  و لکھ آ کشمیری تا حق آ ڈاکہ اسے۔ دوشنبے نادے آ راجی رابطہ نا ویب سائٹ ’’ایکس‘‘ آ تینا ٹویٹ اٹی سراج الحق پارےکہ بھارت نا غیرکانودی کوزہ ٹی جموں وکشمیر نا خصوصی حیثیت نا بابت بھارتی سپریم کورٹ نا فیصلہ نا ہچ ءُ حیثیت اس اف۔ فیصلہ ءِ کشمیری الس و مچ آ سرکڑدہ غاک یکسر مسترد کرینو۔ اوپارےکہ جہانی برادری، انسانی حق انا تنظیم تے کشمیرنا ویل انا مستین و ساڑی حالیت آتون گچین وڑاٹ معلومدار کننگے۔ اوپارےکہ بھارت نا غیرکانودی کوزہ ٹی جموں وکشمیر اٹی بھارت و فلسطین اٹی  اسرائیل نا جارحیت برجاءِ، ہڑتوم آ ڈیہہ انا الس تینا آجوئی کن جہد کننگ ءُ، اہل کشمیر و اہل فلسطین ءِ اسہ دے اس ظالم آتیان آجوئی ضرور ملک۔