روشن ڈیجیٹل اکاؤنٹس نا کمک اٹ سمندر پار پاکستانی تا زرراہی تس نا کچ 7.035 ارب ڈالر آن گدرینگا

اسلام آباد۔ 11 دسمبر (اے پی پی) روشن ڈیجیٹل اکاؤنٹس نا کمک اٹ سمندر پار پاکستانی تا زر راہی تس نا کچ  7.035 ارب ڈالر آن گدرینگانے۔ اسٹیٹ بینک آن جاری حساب وکتاب نا رداٹ نومبر 2023 نا ایسر آ روشن ڈیجیٹل اکاؤنٹس  ناکمک اٹ سمندر پار پاکستانی تا زرراہی تس نا کچ 7.035 ارب ڈالر آن گدرینگانے۔ نومبر اٹی سمندر پار پاکستانیک روشن ڈیجیٹل اکاؤنٹس  نا کمک اٹ 137 ملین ڈالر نا زرمبادلہ ملک آ مون تسر۔ حساب وکتاب نا رداٹ روشن ڈیجیٹل اکاؤنٹس نا کمک اٹ سمندر پارپاکستانیک داتم اسکان 7.182 ارب ڈالرنا زرکاری کرینو۔ سمندر پارپاکستانیک روایتی پوسکن آ پاکستان سرٹیفکیٹ اٹی 323 ملین ڈالر، اسلامی پوسکن آ پاکستان سرٹیفکیٹ اٹی 432 ملین ڈالر و پاکستان اسٹاک ایکسچینج اٹی 29 ملین ڈالر نازرکاری کریر۔