لاہور۔ 08 دسمبر (اے پی پی) مسلم لیگ ن نا راہشون و مسکوہی بنجائی وزیر کانود اعظم نذیر تارڑ پارینے کہ سپریم کورٹ نا بھٹو نا مقدمہ ءِ بِننگ بھاز جوان ءُ گام اسے، لاہور ہائیکورٹ اٹی میڈیا تون گپ وتران کرسا اوپارےکہ داکاریم بھاز مہالو بایدے مروسس۔ نواز شریف نابودی نا بابت سوج آ او پارے کہ دا ریفرنس 2012 آن پدتموک ءِ، 12 سال آن زیات نا وخت مسنے، تاحیات نابودی نا برخلاف دائر درخواست ءِ اِراسال مسنے دا بیرہ نواز شریف نا کیس اف، 100 آن زیات مخلوق ءِ تاحیات نابود کننگانے۔ داسہ داٹی ترمیم مسنے۔ دابابت کنفیوژن ودی کننگ نا گرج اف۔ اعظم نذیر تارڑ پارے کہ بھاز جوان مرے اگہ سپریم کورٹ تاحیات نابودی نا برخلاف درخواست ءِ مقرر کے داڑآن مخلوق نا چنکا گڑتیک مر مریرہ۔ مسکوہی بنجائی وزیر کانود پارےکہ کنا رداٹ تاحیات نابودی نا کانود اسہ چٹانے۔
