نگران بنجائی وزیر حوالکاری مرتضیٰ سولنگی نا پی ٹی وی کوئٹہ سینٹر نا دورہ، ہزاروی زبان اٹی نشریات آتا وخت ءُ پاس ءِ ودفنگ نا پارت

کوئٹہ۔ 08 دسمبر (اے پی پی) نگران بنجائی وزیر حوالکاری و شینکاری مرتضیٰ سولنگی پی ٹی وی کوئٹہ سینٹر نا دورہ ءِ کرینے۔ اودورہ ٹی بلوچستان نا دودوربیدہ و زبان و ادب ءِ مون آ دننگ کن پی ٹی وی بولان آ ہزاروی زبان اٹ نشریات آتا وخت ءُ پاس ءِ ودفنگ نا پارت کرینے۔ جمعہ نادے آ پی ٹی وی سینٹر نا دورہ نا وخت آ نگران بنجائی وزیر حوالکاری ءِ جنرل منیجر پی ٹی وی و ہیڈ آفس ڈیپارٹمنٹس پی ٹی وی بولان نا ٹرانسمیشن ، نیوز بلیٹن ، کرنٹ افیئرز پروگرام و پی ٹی وی بولان نا بجٹ نا بابت حوال تس۔ نگران بنجائی وزیر پی ٹی وی بولان نانشریات آتا جاچ ءِ ہلک و پی ٹی وی بولان آ ہزاروی زبان نا نشریات آتا وخت ءُ پاس ءِ ودفنگ نا پارت کرے۔