راولپنڈی۔ 07 دسمبر (اے پی پی) وزیردفاع لیفٹیننٹ جنرل (ر) انور علی حیدر تون آذربائیجان نا سفیر خضر فرہادوف اوڑدہی کرے ہراٹی اسیجائی تاریخی، دودوربیدہ ئی و مذہبی بنداوتیا تالان ہڑتوم آ کنڈآتا برادرانہ تعلقداری آ گپ وتران کننگا۔ وزیردفاع شرفمند آ مہمان تے بخیرکرسا پارے کہ پاکستان آذربائیجان ءِ تینا سٹریٹجک محل و وقوع، بے پناہ وسیلہ، ترقی پسند نقطہ نظر و ترندی اٹ ودوک آ زرگزران نا سوب آن اسہ اہم ملک اسے نا وڑاٹ ہرک۔ اوپارےکہ پاکستان آذربائیجان تون دفاعی تعلقداری تے ودفنگ نا خواہندار ءِ۔ اوہڑتوم آ ملک آتا بڑزکو عسکری سرکڑدہ غاتا نیام اٹ پدریسہ رابطہ غاتا ستا ءِ کرے۔ وزیردفاع ، دفاعی صنعت اٹ اسیجائی ڈٹ آتا ممکنہ بشخ آتیٹی کمکاریءِ ودفنگ نا است خواہی نا درشانی ءِ کرے۔
