نیب ملک آن ہروڑنا وڈی خوری نا چٹفنگ کن سنبرینگوک ءِ، ڈپٹی چیئرمین نیب سہیل ناصر نا سیمینار و واک انا بشخ ہلوک آتیان تران

اسلام آباد۔ 07 دسمبر (اے پی پی) ڈپٹی چیئرمین نیب سہیل ناصر ملک آن ہروڑنا وڈی خوری نا چٹفنگ نا عزم انا درشانی ءِ کرسا پارینےکہ ملک آن دا لعنت نا چٹفنگ کن اجتماعی کوشست آتا گرج ءِ۔ داخیا ل آتادرشانی ءِ او پنچ شنبے نادے آنیب راولپنڈی نا کنڈآن ’’دستاویزی زرگزران وڈی خوری نا چٹنگ‘‘ نا سرحال آ سیمینار و انسداد وڈی خوری نا بابت واک انا بشخ ہلوک آتیان تران کرساکرے۔ اوپارے کہ کرپشن نا چندی دروشم ءُ، نیب ملک آن ہروڑنا وڈی خوری نا چٹفنگ کن سنبرینگوک ءِ۔ اوپارے کہ خوداحتسابی و راجی انصاف قائم کننگ آن بیدس وڈی خوری نا مون ءِ توننگ مفک ، اینو نن تہیہ کین کہ تینا فرض اٹ ڈیوالئی کپنہ، راج اٹ وڈی خوری تون اوار ہروڑنا برائی تا توننگ اٹ تیناکڑد ءِ ادا کینہ۔