لاہور ہائی کورٹ پرویز الٰہی نا انٹراکورٹ اپیل نا قابل سماعت مننگ نا بابت دلیل بٹنگا

لاہور۔ 07 دسمبر (اے پی پی) لاہور ہائی کورٹ نا اِراباسکی بنچ مسکوہی وزیراعلیٰ پنجاب چوہدری پرویز الٰہی نا سنگل بنچ نا فیصلہ نا برخلاف دائر انٹراکورٹ اپیل ناقابل سماعت مننگ نا بابت فریق آتا وکیل آتیان دلیل بٹنگا و مستی سماعتءِ 15 جنوری اسکان پدبٹے۔ لاہور ہائی کورٹ نا جسٹس شہرام سرور چوہدری نا کماشی ٹی اِراباسکی بنچ چوہدریپرویز الٰہی نا درخواست آسماعت کرے۔ پنچ شنبے نادے آسماعت آ چوہدری پرویز الٰہی نا کنڈآن آفتاب باجوہ ایڈووکیٹ پیش مس و موقف اختیار کرے کہ سنگل بنچ راستکی تیان چپ جوڈیشل مجسٹریٹ نا فیصلہ ءِ معطل کرے۔ اوعدالت ءِ پارے کہ مجسٹریٹ ریکارڈ ءِ ہرسا پرویز الٰہی ءِ ڈسچارج کرے۔ سماعت اٹی ایڈووکیٹ جنرل پنجاب نا پیش مفننگ آ  مستی سماعت ءِ 15 جنوری اسکان پدبٹے۔ عدالت بروک آ سماعت آ فریق آتا وکیل آتے دلیل پیش کننگ کن نوٹس جاری کرے۔