بلاول سندھ انا فکر ءِ کے ہرااونا دوتیان پیش تمنگ ءِ، میاں جاوید لطیف

اسلام آباد۔ 07 دسمبر (اے پی پی) مسلم لیگ (ن) نا راہشون میاں جاوید لطیف پارینے کہ بلاول بھٹو زرداری ہرا لاڈلہ نا دوبہ ءِ خلنگ ءِ او زرداری صاحب نا پارت ءِ یات تخے کہ بلاول داسکان ناتجربہ کار اسے۔ پنچ شنبے نادے آ نواز شریف نا اسلام آباد ہائی کورٹ اٹی پیشی نا وخت آ میڈیا تون گپ وتران کرسا اوپارے کہ داعدل نا ماڑی آن انصاف مریک تو پاکستان مون آ کاہک۔ بلاول سندھ انا فکر ءِ کے ہرااونا دوتیان پیش تمنگ ءِ۔ مچ آ پاکستان آن شخصیت آتا (ن ) لیگ اٹی اوار مننگ و چندی جماعت آتا سیٹ ایڈجسٹمنٹ ءِ کننگ پارٹی نا مقبولیت نا شاہدی ءِ۔