حق رائے دہی ءِ کاریم اٹ اتنگ ہر باشعور پاکستانی نا حق و فرض ءِ، اسپیکر قومی اسمبلی

اسلام آباد۔ 07 دسمبر (اے پی پی) اسپیکر قومی اسمبلی راجہ پرویز اشرف پارینے کہ پاکستان اٹ 8 فروری آ الیکشن مننگ والا ءِ ہنداسوب آن ہر شار ی نا قومی زمواری ءِ کہ او تینا حق رائے دہی ءِ کاریم اٹ اتے۔ پنچ شنبے نادے آ قومی ووٹرز ڈے انا وخت آ تینا کلہو اٹی اوپارے کہ وونٹ انا کمک اٹ تینا حق رائے دہی ءِ کاریم اٹ اتنگ ہر باشعور پاکستانی نا حق و فرض ءِ۔ مچ آ دنیانا خنک پاکستان اٹی مروک آ گچین کاری تیا لگوک ءُ۔ غٹ پاکستانیک لس گچین کاری تیٹی پبی بشخ ہلیر۔ اوپارے کہ الس تینا وونٹ انا طاقت اٹ پاکستان نا قسمت نافیصلہ  ءِ کروئی ءِ۔ داسال پوسکن آ حلقہ بندی تا رداٹ بھلو کچ اسے ٹی ورناووٹرآتا درج مننگ ستاکڑزک۔ زالبول ووٹرآتے بروک آ گچین کاری تیٹی پبی وڑات تینا حق رائے دہی ءِ کاریم اٹ اتنگے۔ غٹ پاکستانیک بے چینی اٹ لس گچین کاری تا انتظاراٹی ءُ تانکہ تینا گچین مروک آ نمائندہ غاتے قومی اسمبلی آ گدریفنگ کیر۔ راجہ پرویز اشرف پارے کہ ننے غٹ ءِ اواری اٹ پاکستان ءِ شونداری نا کنڈآ درسا تینا بروک آ چین تیکن گچینی نا فیصلہ ءِ کرو ئی ءِ۔ اواومیت ظاہرکرے کہ 8 فروری 2024 آ ساف و شفاف گچین کاری تا کمک اٹ پاکستان اٹی جمہوری عمل تینا پوسکن آ مزل آتے طے کیک۔