اسلام آباد۔ 07 دسمبر (اے پی پی) انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) ٹی ‘‘بدل مروک آ دنیا ٹی پاکستان’’ نا سرحال آ اِرادے ئی ‘‘اسلام آباد کانکلیو’’ برجاءِ۔ ‘‘اسلام آباد کانکلیو’’ نا ارٹ میکو ورکنگ سیشن نا بست وبند ءِ سینٹر فار اوغانستان ، مڈل ایسٹ اینڈ افریقہ کرے۔ جاری پریس ریلیز نا رداٹ سیشن نا ترانکاری آتیٹی اوغانستان کن پاکستان نا خصوصی نمائندہ سفیر آصف درانی ، اوغان پارلیمنٹ نا ایوان نا مسکوہی ڈپٹی اسپیکر میر ویس یاسینی و ایلوفک اوار ئسر۔ سیشن نا نظامت ڈائریکٹر سینٹر فار اوغانستان مڈل ایسٹ اینڈ افریقہ آمنہ خان کرے۔ داوخت آ تینا تران اٹی اوغانستان کن پاکستان نا خصوصی نمائندہ سفیر آصف درانی پارے کہ اوغانستان نا حالیت پاکستان آ اثرانداز مریک و اوغانستان اٹی نائن الیون آن پد انا حالیت آتا پاکستان آ بھاز انگامنفی اثرمرتب مس انتئے کہ او ننے زرگزرانی و سیکورٹی نا بابت ہم زہمی کرے۔ تینا تران اٹی اوپارے کہ غزہ نا ساڑی تنکی دا ظاہر کیک کہ اسہ چنکو چنگاری اس امر خاخراٹ بدل مننگ کیک، پاکستان نا جغرافیہ جغرافیائی سیاسی و جیواکنامک اہمیت تخک انتئے کہ دا دے ٹک نیامی کن ہم اسہ گیٹ وے اسے۔ اوپارے کہ پاکستان اٹی تحریک طالبان پاکستان (ٹی ٹی پی) نا جلہو آتیٹی ودکی مسنے۔ ایلو کنڈآ اوغانستان تون واپار اٹی ودکی مسنے و ڈیہہ انا تہہ ٹی واپار اٹی ہم نمان ودکی مسنے۔ آصف درانی پارے کہ اسرائیل حماس نا نیام اٹ برجاجھیڑہ غان اوغانستان جہانی برادری نا اولیتی لڑاٹی شیف ہنانے۔ آصف درانی پارےکہ اسرائیل حماس نا نیام اٹ برجاجھیڑہ غان اوغانستان جہانی برادری نا اولیتی لڑاٹی شیف ہنانے۔ اوپارے کہ اوغانستان اٹی 95 درسد مخلوق نیزگاری نا لکیر آن شیف زند ءِ تیر کننگ ءُ۔ اوپارے کہ اوغانستان اٹی کیہی دہائی نا جھیڑہ غاک بھسکاری و نزروی ودی کرینے، اسرائیلی غزہ نا پٹی ٹی نسل کشی و جنگی ڈوہ انا ارتکاب کرینے، دااسہ بھلو ویل اسے ودانا سخت انگا لوز آتیٹی مذمت ءِ بایدے کننگے۔ میر ویس یاسینی تینا تران اٹی اوغانستان اٹی پائیدار امن نا دوئی کننگ آ ہیت کرے۔ اوپارے کہ اوغانستان اٹی ویل و یچڑ چیلنج آتون مون تننگ کن خوڑتی و کثیر جہتی نقطہ نظر نا گرج ءِ، اگست 2021اٹی بیدس خونریزی اسے نا اوغان طالبان ءِ اقتدار نا آوار منتقلی ءِ امنا کننگے، داڑتون سیکورٹی نا ساڑی تسلی بخش حالیت و لچکدار اوغان زرگزران ءِ ہم امنا کننگے۔ اوپارے کہ ممکنہ انسانی چیلنج آتون مون تننگ کن یخ آتیان مست پناہ گزین تا ترندی اٹ واپسی المی ءِ۔ ‘‘اسلام آباد کانکلیو’’ نا ارٹ میکو ورکنگ سیشن آن یارامراد دے ٹک نیامی نا حالیت آتیا ہیت کرسا پارے کہ ڈیہہ و مچ آ دنیا ٹی فلسطین نا مخ تف یکجہتی نا سوگو تحریک دُوارہ مون آ بسنےو اسہ وار ولدا ریاست آک اسرائیل و فلسطین نا نیام اٹ اِرا ریاستی ایسری آ زور شاغنگ ءُ۔ ایڈم وائنسٹائن اوغانستان و ڈیہہ ٹی غیرسیکورٹی چیلنج آتا ذکرءِ کرسا پارےکہ اوغانستان اٹی انسانی و زرگزرانی چیلنج نا بابت امداد اٹی کمتی بسنے ، درملکی زرمبادلہ نا منجمد کوڑی و خاطرخواہ فنڈ کانودی جھیڑہ غاتون مشروط ءِ۔
