کوئٹہ۔ 07 دسمبر (اے پی پی) سیکرٹری گوازی و امور نوجوانان بلوچستان ڈاکٹر جاوید انور شاہوانی اینو ڈائریکٹر جنرل گوازی دُرابلوچ تون اوار ایئرپورٹ روڈآ واقع منی اسپورٹس کمپلیکس نا دورہ ءِ کرے۔ دورہ ٹی ہموڑے ساڑی انچارج و اسسٹنٹ ڈائریکٹر سیکورٹیزکامران خورشید اوفتے جوان حوال تس و کمپلیکس اٹی ساڑی چندی وینیوز تا دورہ ءِ کرفے۔ داوخت آ ڈاکٹر جاوید انور شاہوانی پارے کہ ورناو گوازی گرآتے گچین آسراتی فراوان کننگ ننا زمواری ءِ۔ گچین، ساف ستھرا چاگڑد و تربیت نا وارخواہی ملک تو مخلوق تینا چناتے اکیڈمی تیا گدریفک و گوازی گر اکیڈمی تیا بریرہ مچ آ بلوچستان اٹی گوازی تا فراوان کروک آسراتی تے پین گچین کننگ کن عملی گام گیج کننگ اُن۔ ہنداوڑ نا پین منی اسپورٹس کمپلیکس جوڑ کننگک ہراڑان گوازی و گوازی گرآتے فائدہ رسینگک۔ ایسرا ٹ سیکرٹری گوازی وامور نوجوانان بلوچستان ڈاکٹر انور شاہوانی انچارج و اسسٹنٹ ڈائریکٹر کامران خورشید نا کوشست آتا ستاءِ کرسا اودے آسراتی تا پین گچین کننگ و گام گیج کننگ نا پارت کرے۔
