اسلام آباد۔6دسمبر (اے پی پی): ادارکی مزن وزیر انوارالحق کاکڑ ءَ ملک ءَ پولیو کیس آنی ھوالگ ءَ نہ وشی ءِ درشان ءَ کنان ءَ گوشتگ کہ اے مئے واستہ پگر ءِ گپ انت کہ سرجمیں دگنیا ءَ چہ پولیو ءِ ھلاسی بوتگ بلے پاکستان ءُ اوگانستان ءَ اے وائرس انوگ ءَ تاں ساڑی انت۔ پولیو ءِ گر ءُ دار ءِ ھوالگ ءَ آیوکیں سال ءَ زوتیں گامگیجی پلان ءِ تیار کنگ بہ بیت۔ آئی ءَ اے ھیلانی درشانی چار شمبے ءِ روچ ءَ ادا پولیو ءِ گر ءُ داری ٹاسک فورس ءِ چار ءُ تپاسی دیوان ءِ سروکی ءَ کنان ءَ کت۔ دیوان ءَ ادارکی بنجاھی وزیر جان سلامتی ڈاکٹر ندیم جان، ادارکی سر وزیر خیبر پختونخوا جسٹس (ر) ارشد حسین شاہ نیشنل، ٹاسک فورس ءِ ٹوھیں سروک، چیف سیکرٹریز ، کانود ءَ را برجا کنوکیں ادارگ آنی نماھند ءُ سیادی داروکیں کارندہ آں بھر زوری کت۔
