ملتان ۔6دسمبر (اے پی پی): ادارکی بنجاھی وزیر اھوالکاری، شنگ کاری ءُ پارلیمانی کار مرتضیٰ سولنگی ءَ گوشتگ کہ ما ملک ءَ آزاتیں ، ساپ ءُ سلہ ایں گچین کاری آنی واستہ دزگٹ آں، 8 فروری 2024 ءَ لس گچین کاری بنت، اے پیسلہ ءَ الس کن انت کہ آیوکیں حکومت کئے کنت، کانود ءِ تہ ءَ نبشتہ انت کہ اے ملک ءَ را ایشی ءِ گچین کتگیں نماھندگ چلائین اَنت۔ بنیاتی پیسلہ جوڑ کنگ ادارکی حکومت ءِ کار نہ انت، اے گچین کاری حکومت ءُ گچین بوتگیں پارلیمان ءِ کار انت، مارا ھما وڑ ءَ ملک رستگ ایشی ءَ چہ گہتریں وڑ ءَ آیوکیں حکومت ءَ را شفٹ کناں ءُ رواں۔ اے ھیالانی درشانی آئی ءَ چار شمبے ءِ روچ ءَ پاکستان ٹیلی ویژن ملتان سنٹر ءِ 24 بیست ءُ چارمی کلاک ءِ دمگی شنگ ءُ تالان ءِ بنگیج ءَ کنگ ءَ چہ پد میڈیا ءَ گوں تران کنان ءَ کت۔
