بیجنگ۔ 06 دسمبر (اے پی پی) پاکستان نا سرکاری خبررساں ایجنسی ایسوسی ایٹڈ پریس آف پاکستان (اے پی پی) نا منیجنگ ڈائریکٹر محمد عاصم کچھی پارینے کہ ورلڈ میڈیا سمٹ میڈیا نا اہم ویل آتے ایسر کننگ و میڈیا نا نیام اٹ کمکاری ءِ سوگو کننگ کن اہم ءُ پلیٹ فارم اسے۔ اوچینی خبررساں ادارہ شنہواءِ تروک آ خصوصی انٹرویوٹی دااومیت نا درشانی ءِ کرے کہ دا سروکی دیوان بشخ ہلوک آتے دودوربیدہ ئی ہل وتس ، صحافتی مواد آتا اسہ ایلو ءِ فراوانی، اسہ ایلو نا بولی تے پہہ مننگ اٹ کمک، اسیجائی گام گیج، ٹیکنالوجی نا منتقلی و جہانی ویل آتا اسیجائی کوریج کون آ بشخ آتیٹی کمکاری نا وارخواہی فراوان کیک۔ ایم ڈی اے پی پی محمد عاصم کچھی پارے کہ دا سروکی دیوان میڈیا اارہ گاتیکن اسہ ایلو آن ہیل کننگ، وارخواہی دوئی کننگ ومیڈیا ناہمہ وقت ارتقاپذیر بشخ ءِ مون تروک چیلنج آتون مون تننگ کن قابل قدر پلیٹ فارم اسے۔ اوپارے کہ پاکستان نا سرکاری خبررساں ایجنسی اے پی پی و شنہوا نا نیام اٹ اسیجائی پیش رفت و گپ وتران ءِ مون آ دننگ کن کمکاری نا پبی لائخی ساڑی ءِ۔ اوپارےکہ داوڑنا کمک ہڑتوم آ ادارہ غاتا نقطہ نظرکن اسہ بھلو پلیٹ فارم اس فراوان و پین جوان جہانی مکالمہ ءِ مون آ دننگ کیک۔ ایم ڈی اے پی پی محمد عاصم کچھی ہڑتوم آمیڈیا ایجنسی تا نیام اٹ خڑکی تعلقداری ءِ تالان کرے ہرانا بنا1964اٹی میڈیا کمکاری نا اسہ سرسہب درور اسے نا وڑاٹ مسوسس۔ اوداپت انا درشانی ءِ کرے کہ ورلڈ میڈیا سمٹ (ڈبلیو ایم ایس) ہڑتوم آ ادارہ غاتا شریداری ءِ سوگو کیک و اوفتے کن پوسکن آ گام گیج نا کسر آتے آوار کیک۔ ایم ڈی اے پی پی میڈیا خاص وڑاٹ ڈیجیٹل و سوشل میڈیا نا ودوک آ اثرورسوخ نا اعتراف کرسا دروغ و غیرمستند خبرآتا توننگ کن پاکستان و چین نا نیام اٹ کمکاری ءِ ودفنگ نا گرج آ زور شاغا۔
