اسلام آباد۔ 06 دسمبر (اے پی پی) نگران بنجائی وزیر جان جوڑی ڈاکٹر ندیم جان پارینے کہ ڈرگ ریگولیٹری اتھارٹی (ڈریپ) نا آن لائن رجسٹریشن و لائسنسنگ آن شفافیت بریک و الس نا غاوتا ازالہ مریک۔ داخیال آتا درشانی ءِ او چارشنبے نادے آ داڑے ڈریپ نا رجسٹریشن و لائسنسنگ سسٹم ءِ آن لائن کننگ نا دود آن تران کرساکرے۔ نگران وزیرجان جوڑی پارے کہ جوابدہی و اصلاحات نا نظام ءِ لاگو کرینے، داکان مست نن اینڈ رائیڈ ایپ ءِ ایسوسن تانکہ دوائی تا کاختی نا بابت معلومداری دستیاب مننگ کے، دانا خاطرخواہ ءُ بھرم اس دوئی مس، دوائی تا رجسٹریشن و لائسنسنگ نا بابت شفاف نظام اس جوڑ کرینن، ہندن ءُ نظام اس درستی راستی کرفینن ہراٹی انسانی نیام تمنگ نا گرج مفک۔ ہر کمپنی آن لائن اپلائی کننگ کیک اودے کس اسے آ ہِننگ نا گرج اف، اسہ وخت اس مقرر کننگک ہراٹی درخواست آتے سرتروئی مریک، درخواست تروک آ کمپنی تینا درخواست نا ٹریکنگ ءِ ہم کننگ کیک ، اسہ تُو یا اوکان کم مد اٹی مقررہ آب آ پورو سلوک آ کمپنی ءِ اونا درخواست نا منظوری آن معلومدار کننگک و اگہ اعتراض اس مریک تو اوڑان ہم مطلع کننگک۔ داسسٹم آن دوائی تا نہاد و دستیابی آہم نظرتخنگ مریک، کمپنی تیٹی مسابقت نا چاگڑد ودی مریک و دوائی تا کوڑی کننگ و زیات نہاد وصول کننگ تون اوار چندی غاوتا ازالہ ہم ممکن مریک۔
