اسلام آباد۔ 06 دسمبر (اے پی پی) اسپیکر قومی اسمبلی راجہ پرویز اشرف میجر شبیر شریف شہید(نشانِ حیدر) ءِ خراج عقیدت پیش کرساپارینے کہ قوم تینا نرزور ودلیر گل زادہ غاتیا گمر کیک، پاک فوج انا لمہ وطن کن تروک آ قربانیک اسُل زیان مفسہ۔ چارشنبے نادے آ میجر شبیر شریف نا 52 می یوم شہیدی آ تینا کلہواٹی اوپارےکہ نن میجر شبیر شریف ءِ یوم شہادت آ خراج عقیدت پیش کینہ، او1971 نا جنگ اٹی لمہ وطن نا دفاع کن تینا جون ءِ ندرکرے۔ اوپارے کہ میجر شبیر شریف شہید نانرزوری و شجاعت آ اودے ملک انا بڑزکو انگا عسکری اعزاز(نشانِ حیدر) تننگا، مچ آ قوم داجیرت و نرزوری آ اودے سلام پیش کیک۔ اوپارے کہ شہید آتا قربانی تا سوب آن اینو نن آجو فضاٹی ساہ ہلنگ اُن ، اوفتا قربانی سیوت، اخوت و ایلمی نا درس ایتک۔
