کوئٹہ۔ 06 دسمبر (اے پی پی)پاکستان مسلم لیگ (ن) بلوچستان نا راہشون فاطمہ خان پارینے کہ پاکستان تدوک آ پنچ سال آن ہراگھمبیر ویل آتیٹی تموک ءِ داوڑنا حالیت آتیٹی پارٹی قائد میاں نواز شریف نا ننتون مننگ داملک و قوم انا خوش بختی ءِ ، نواز شریف نا کماشی ٹی اسہ روشنا و شونداری کروک پاکستان نا سفر نا دُوارہ بنا ءِ کینہ و بروک آ دور مسلم لیگ (ن) ناءِ مسلم لیگ (ن) بلوچستان تون اوار ہرچار آصوبہ غاتیٹی بھلو گیشتری اسے اٹ سرسہبی دوئی کیک۔ داڑے جاری مروک اسہ بیان اسے ٹی فاطمہ خان پارینے کہ ساڑی آ چیلنج اتون مون تننگ نالائخی بیرہ مسکوہی وزیراعظم مسلم لیگ (ن) نا قائد میاں محمد نواز شریف ہی تخک ہنداسوب آن الس فیصلہ کرینے کہ وونٹ انا طاقت اٹ نواز شریف ءِ دُوارہ وزیراعظم ناکرسی آ تولفنہ ، و ملک ءِ مشکل آتیان کشنہ۔ اوپارے کہ زرگزران نا بحالی کبینی نا چٹفنگ نیزگاری بے روزگاری نا چٹفنگ نواز شریف اٹ ہی ممکن ءِ، پاکستان نا الس 8 فروری آ شیر آ مہر خلسا پک کیک کہ اوفتے شونہال پاکستان آ درکارءِ۔ اوپارے کہ مسلم لیگ (ن) بلوچستان تون اوار ہر چار آصوبہ غاتیٹی فعال و منظم ءِ، انشاء اللہ بروک آ وخت مسلم لیگ (ن) نا ءِ۔
