کوئٹہ۔ 06 دسمبر (اے پی پی)نیشنل مینجر ٹی بی پروگرام ڈاکٹر عبدالولی چارشنبے نادے آٹی بی کنٹرول پروگرام بلوچستان نا آفس نادورہ ءِ کرے ، داوخت آ صوبائی منیجر ٹی بی کنٹرول پروگرام ڈاکٹر آصف شاہوانی، ڈاکٹر شیرافگن بلوچ، ڈپٹی مینجر ڈاکٹر ابابگر بلوچ، ڈی ایچ او کیچ ڈاکٹر عرفان رئیسانی ئسک نیشنل مینجر ٹی بی پروگرام ءِ بخیرکریر ، صوبائی منیجر ٹی بی کنٹرول پروگرام ڈاکٹر آصف شاہوانی و ڈی جی ہیلتھ ڈاکٹر فاروق ہوت اتون بلوچستان اٹی ٹی بی نا حالیت آتیا گپ وتران کرے ، نیشنل مینجر ٹی بی پروگرام ڈاکٹر عبدالولی انٹراڈسٹرکٹ کوئٹہ نا ٹی بی سینٹرز میٹنگ اٹی ہم بشخ ہلک و ڈاکٹر آصف شاہوانی ءِ حوال تس۔ ڈاکٹر آصف شاہوانی پارے کہ ٹی بی نا تشخیص اٹ غٹ وسیلہ غاتے کاریم اٹ اتنگ انگ ءِ ، ٹی بی نا تشخیص اٹی گچینی اتنگک، ٹی بی نا مریض آتے وخت آ دوائی تننگ بھاز اہم ءِ دا چرجوئی ءِ باقاعدگی اٹ مانیٹر کننگ انگ ءِ۔ اوپارےکہ بلوچستان اٹی ٹی بی نا چٹفنگ کن سنبرینگوک اُن، جینز ایکسپرٹ مشین تے اٹ ٹی بی نا تشخیص اٹی گچینی بریک۔ نیشنل منیجر ٹی بی پروگرام شیخ زید ہسپتال کوئٹہ ٹی ٹی بی پروگرام نا کمک اٹ زیر تعمیر آکسیجن پلانٹ نا معائنہ ءِ ہم کرے و ایگزیکٹیو ڈائریکٹر ذوالفقار بلوچ تون اوڑدہی ہم کرے۔
