اسلام آباد۔5دسمبر (اے پی پی): ادارکی مزن وزیر انوارالحق کاکڑ ءَ پنت ءُ شون کت کہ جان سلامتی وانگ ءُ زانگ ءِ رد ءَ آرگ بہ بیت۔ لس مردمی ھاٹیگ ءِ میاں اوستمانی مارکیٹ جان سلامتی ءِ شوبگ ءِ لوٹ ءَ را سرجم کنگ ءِ واستہ جان سلامتی ءِ شوبگ ءَ گہتری کنگ بہ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ سئے شمبے ءِ روچ ءَ ملک ءَ جان سلامتی وانگ ءُ زانگ ءُ مریض آنی چار ءُ گزار ءَ را گہتر کنگ ءِ واستہ جوڑیشت کتگیں ٹاسک فورس ءِ دیوان ءِ سروکی ءَ کنان ءَ کت۔ دیوان ءَ مزن وزیر ءَ را ملک ءَ جان سلامتی ءِ شوبگ ءَ میاں اوستمانی کد ءُبالاد ءِ رد ءَ جوڑ کتگ پکوئیں گامگیج آنی بابت ءَ بریفنگ دیگ بوت۔
