اسلام آباد۔ 05 دسمبر (اے پی پی) نگران وزیراعظم انوارالحق کاکڑ پاکستان زالبول کرکٹ ٹیم ءِ نیوزی لینڈ اٹی ٹی ٹونٹی سیریز ءِ کٹنگ آ مبارکبادی تسنے۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم انوارالحق کاکڑ پارے کہ پاکستان ویمن کرکٹ ٹیم نیوزی لینڈ اٹی ٹی ٹونٹی سیریز ءِ کٹوک آ ایشیائی ویمن کرکٹ ٹیم جوڑ مس، پاکستانی زالبول گوازی گر آک اسہ وڑاسے ٹی ہم نرینہ غاتیان پدی افس۔ وزیراعظم پارے کہ اگہ ننا زالبول گوازی گرآک ہنداوڑ خواری کرساکریر تو پاکستان ویمن کرکٹ ورلڈ کپ ءِ ہم تینا پن آ کیرہ۔ وزیراعظم پاکستان ویمن کرکٹر و اوفتا خاہوت ءِ داسرسہبی آ مچ آ قوم اناکنڈآن مبارکبادی تس۔
