اسلام آباد۔ 05 دسمبر (اے پی پی) اسپیکر قومی اسمبلی راجہ پرویز اشرف پارینے کہ قوم تینا نرزور و دلیر گلزادہ غاتیا گمر کیک۔ شہید آتا قربانی سیوت ، اخوت و ایلمی نا درس ایتک۔ سے شنبے نادے آ اومیجر محمد اکرم شہید (نشانِ حیدر) نا 52 می یوم شہادت آ تینا کلہو اٹی میجر محمد اکرم شہید(نشانِ حیدر) ءِ یوم شہیدی آ خراج عقیدت پیش کرے و پارے کہ میجر محمد اکرم شہید نشانِ حیدر 1971نا جنگ اٹی لمہ وطن نا دفاع کن تینا جون ءِ ندر کرے۔ میجر محمد اکرم شہید نشانِ حیدر دہلی نا پڑآ نرزوری و شجاعت نا لازوال تاریخ اس نوشتہ کرے۔ میجرمحمد اکرم شہید نشانِ حیدر نا نرزوری و شجاعت آ اودے ملک انا بڑزکو آ عسکری اعزاز(نشانِ حیدر) تننگا۔ اوپارے کہ مچ آ قوم میجر محمد اکرم شہید نشانِ حیدر نا 52می یوم شہادت آ اونا نرزوری و جیرت آ سلام پیش کیک۔ شہید آتا قربانی تا سوب آن اینو نن آجو فضاٹی ساہ ہلنگ اُن۔
