اسلام آباد۔ 05 دسمبر (اے پی پی) نگران بنجائی وزیر حوالکاری، شینکاری و پارلیمانی امور مرتضیٰ سولنگی برصغیر نا پنی آ گلوکار استاد حسین بخش خان گُلو نا کزیت آ ڈکھیائی و است ہسونی نا درشانی ءِ کرینے۔ سے شنبے نادے آ تینا ہڑزخواہی بیان اٹی استاد حسین بخش گُلو ن اکزیت آ اونا خاہوت تون ہڑزخواہی نا درشانی ءِ کرسا نگران بنجائی وزیر حوالکاری پارے کہ استاد حسین بخش گُلو نا کزیت نا خبر ءِ بنگٹ بھاز است ہسونی مس۔ اوپارے کہ مچ آ دنیا ٹی تینا فن نا درشانی ءِ کروک آاستاد حسین بخش گلو ہرجاگہ غا تینا گائیکی نا نقش ءِ اِلا۔ استاد حسین بخش گلو ریڈیو پاکستان و پاکستان ٹیلی ویژن آ ہم تینا توار نا جادو ءِ بش کرسا کرے، اونا کزیت آن اینو کلاسیکل سازوزیمل نا اسہ روشناءُ بشخ اس بند مس۔ مرتضیٰ سولنگی دعاکرےکہ اللہ تعالیٰ ایماندار ءِ جنت اٹ جاگہ و خاہوت ءِ صبر وجمیل عطاکے۔
