کوئٹہ۔ 05 دسمبر (اے پی پی) سیکرٹری حوالکاری عمران خان ڈائریکٹوریٹ جنرل آف پبلک ریلیشنز بلوچستان نا دورہ ءِ کرے۔ ہراڑے اونا ڈائریکٹر جنرل پبلک ریلیشنز محمد نور کھیتران آفیسر آتون اوار بخیرکرے۔ داوخت آ سیکرٹری حوالکاری الیکٹرانک میڈیا مانیٹرنگ سسٹم تون اوار چندی بشخ آتا جاچ ءِ ہلک۔ ڈی جی پی آر محمد نو رکھیتران سیکرٹری حوالکاری ءِ ڈائریکٹوریٹ نا جم کارکڑد نا سرجم آتیان معلومدار کرے و خصوصی وڑاٹ پاکستان اٹ چینی سفارت خانہ نا کنڈآن ڈیجیٹل لیب انا جوڑ کننگ کن کمکاری نا بارواٹی پیش رفت نا بابت معلومدار کرے۔ سیکرٹری حوالکاری عمران خان ڈیجیٹل دور انا اہمیت نا رداٹ ڈی جی پی آر ٹیم ءِ ڈیجیٹل لیب اس جوڑ کننگ اٹ ترندی اٹ کاریم کننگ ناپارت کرے۔ سیکرٹری حوالکاری ڈی جی پی آر نا کڑد انا ستاءِ کرسا حکومتی پالیسی و آسودہی گام گیج آتے میڈیا ٹی تالان کننگ کن ڈائریکٹوریٹ نا اہم کڑد انا ستاءِ کرے۔ اوپارے کہ پوسکن آ ٹیکنالوجی دنیا ءِ گلوبل ویلیج اس جوڑ کرینے، خاص کر ڈیجیٹل میڈیا نا بننگ دمدستی اپ ڈیٹ آتا کسر ءِ ملانے و خبر ومعلومداری ءِ سکینڈ آتیٹی بنوک آتسکان سرکرینے ، داہیت ءِ مون آتخسا ڈی جی پی آر نا کڑد بھلن ء۔ ایسر اٹ سیکرٹری حوالکاری عمران خان ڈی جی پی آر بلوچستان نا پدریسہ سرسہبی آ پت انا درشانی ءِ کرے و ہرممکن کمکاری نا باوری کرفے۔
