اسلام آباد۔ 04 دسمبر (اے پی پی) چیئرمین سینیٹ سینیٹر صادق سنجرانی پارینے کہ سی پیک و گوادر پورٹ نا پاکستان نا آخبت نا زرگزرانی منظرنامہ ٹی بھاز اہم ءُ کڑد اسے، زرگزرانی شونداری ٹی کاروباری برادری اہم ءُ حیثیت اس تخک، پائیدار اقتصادی شونداری کن سازگار چاگڑد نا گرج ءِ۔ داخیال آتا درشانی ءِ او گوادر چیمبر آف کامرس اینڈ انڈسٹریز(جی سی سی آئی ) نا ڈل اتون گپ وتران کرسا کرے ہرا دوشنبے نادے آ داڑے پارلیمنٹ ہاؤس اٹی اوڑتون اوڑدہی کرے۔ سینیٹ سیکرٹریٹ نا رداٹ اوڑدہی ٹی گوادر، بلوچستان نا کاروباری حالیت و اقتصادی ویل آتیا گپ وتران کننگا۔ چیئرمین سینیٹ اقتصادی شونداری ءِ مون آدننگ کن چیمبر نا کوشست آتا ستاءِ کرے۔ ڈل گوادر اٹی کاروباری برادری ءِ مون تروک چیلنج آتا بابت چیئرمین سینیٹ ءِ معلومدار کرے۔ چیئرمین سینیٹ پارے کہ زرگزرانی شونداری ٹی کاروباری برادری نا اہم ءُ کڑد اسے۔ پائیدار اقتصادی شونداری کن سازگار چاگڑد ودی کننگ نا گرج ءِ۔ سی پیک و گوادر پورٹ نا پاکستان نا آخبت نا زرگزرانی منظرنامہ ٹی بھا ز اہم ءُ کڑد اسے۔ چیئرمین سینیٹ پارےکہ گوادر پورٹ نئے بیرہ پاکستان بلکن مچ آ ڈیہہ اکن اہم ءِ۔ ڈل گوادر نا کاروباری کمیونٹی ءِ مون تروک ویل آتا ایسری کن چیئرمین سینیٹ نا کمکاری آ اونا منت واری ءِ ہرفے۔ ڈل اقتصادی شونہالی ءِ مون آ دننگ، زرکاری و ڈیہہ اٹی سازگار کاروباری چاگڑد کن حکومتی کمکاری نا اہمیت آ ہم زور شاغا۔ اوڑدہی ٹی سینیٹر پلوشہ محمد زئی خان و سینیٹر پرنس احمد عمر احمد زئی ئسک ہم ساڑی ئسر۔
