اسلام آباد۔ 04 دسمبر (اے پی پی) مسکوہی وزیراعظم و مسلم لیگ (ن) نا صدر شہباز شریف پارینے کہ امنائی قومی زرگزرانی منشور ہی پاکستان ءِ ویل آتا مین آن کشنگ کیک۔ گچین کاری تیٹی سرسہبی ملا تو نواز شریف نا کماشی ٹی قومی شونداری نا زرگزرانی منشور آ عمل کینہ۔ دوشنبے نادے آ اسہ بیان اسے ٹی اوپارے کہ چارٹر آف اکانومی نا سلاہ قائد حزب اختلاف نا وراٹ تسوسن ہراڑآ اینو مچ آ قوم امنامسنے۔ سیاسی و جوزہ ئی آ بیان تیان آخا پالیسی گام گیج آتیان زرگزران بحال و الس ءِ کبینی آن نجات ملک۔ اوپارے کہ الس کبینی آن نجات و زرگزرانی شونہالی خواہک۔ روزگار ایتنہ و نیزگاری ءِ چٹفنہ۔ بجٹ نسخان ءِ کم کننگ ننا اولیت آتیٹی اوار ءِ۔ تاریخ گواہ ءِ کہ الس ءِ کبینی آن نجات بیرہ مسلم لیگ (ن) ترفک۔ گچین کاری تیٹی کبینی آن الس ءِ نجات ترفنگ کن بشخ ہلنگ اُن۔ نواز شریف مدام پاکستان نا زرگزران ءِ جوڑ، مچ آپاکستان ءِ بریبربنداوتیا شونداری تس۔ شہباز شریف پارےکہ کشاری انقلاب اس اتینہ، صنعت، معدنیات ، آئی ٹی نا بشخ آتیٹی بے مٹ شونداری مریک۔ 200 ارب روپئی ناکشاری پیکج زرگزرانی گچینی و کشاری بشخ انا بحالی ٹی اہم ءُ کڑد اس اداکرے۔
