اسلام آباد۔ 04 دسمبر (اے پی پی) انسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) نا کنڈآن سالانہ ‘‘اسلام آباد کانکلیو’’ ءِ 6و7 دسمبر آ اڈتننگک ہرانا سرحال ‘‘بدل مروک آ دنیا ٹی پاکستان’’مریک ۔ انسٹی ٹیوٹ آف سٹریٹجک سٹڈیز نا کنڈآن جکاری بیان نا رداٹ ‘‘اسلام آباد کانکلیو درملکی و پاکستانی سرکڑدہ، پالیسی ساز و بڑزکو تعلیمی ادارہ غاتا چاہندار آتے اسہ واحد پلیٹ فارم اسے آ یکجا کننگ کن موقع اس فراوان کیک۔ ‘‘ اسلام آباد کانکلیو’’پیچیدہ سیاسی، سیکورٹی و اقتصادی ویل آتون اوار اوار پاکستان و ڈیہہ ءِ زہمی کروک آ روایتی و غیرروایتی خطرہ غاتا جاچ ءِ ہلنگ تون اوار اوار ردعمل و اختراعی ایسراس تجویز کننگ کن اسہ فورم اسے نا ڑاٹ کاریم کیک۔ اِرادے ئی دود انا بنائی سیشن آن بیدس 5 ورکنگ سیشن مریک ہرافتے ٹی پنچ جتا جتا ذیلی سرحال آتیا چکار کننگک ۔ اولیکو ورکنگ سیشن نا سرحال ‘‘مون آ بروک جغرافیائی سیاسی حرکیات، مون آ بروک ٹیکنالوجی و تزویراتی سوچ اٹی بدلی’’مریک، ہرادے (آئی ایس ایس آئی) نا آرمز کنٹرول اینڈ ڈس آرمامنٹ سینٹر کیک۔ ارٹ میکو ورکنگ سیشن ‘‘علاقائی منظرنامہ نا بدلی: اوغانستان آن دے ٹک نیامی اسکان ’’ نا بست وبند ءِ سینٹر فار اوغانستان، مڈل ایسٹ اینڈ افریقہ کننگ ءِ۔ داپاکستان و اہم ہمسایہ ملک خاص وڑاٹ اوغانستان و دے ٹک نیامی نا نیام اٹ مون آ بروک تعلقداری آ چکار کیک۔ دانا بست وبند ءِچائنا پاکستان اسٹڈی سینٹر کننگ ءُ۔ چارمیکو ورکنگ سیشن نا سرحال ‘‘ جامع سیکورٹی ان اے ورلڈ ان فلوکس’’مریک۔ دا سیشن آئی ایس ایس آئی ٹی سینٹر فار سٹریٹجک پرسپیکٹیونا کنڈآن اڈتننگ انگ ءِ۔ پنچ می و آخیریکو ورنگ سیشن ‘‘ مون آ بروک ورلڈ آرڈراٹی پاکستان نا خارجہ پالیسی ’’ ءِ آئی ایس ایس آئی ٹی انڈیا اسٹڈی سینٹر اڈتننگ ءِ۔ پاکستان و پیشن نا ملک انا پنی آ اسکالرز، تعلیم نا چاہندار و پریکٹیشنرز آک اسلام آباد کانکلیو ٹی بشخ ہلیرہ۔
