کوئٹہ۔ 04 دسمبر (اے پی پی) جمعیت علماء اسلام نا صوبائی امیر و مسکوہی بنجائی وزیر مولانا عبدالواسع پارینے کہ جمعیت علماء اسلام صوبہ نا محور سیاسی جماعت ءِ صوبہ نا غٹ ضلع غاتیٹی جمعیت الس نا خذمت ءِ کننگ اٹی ءِ بلوچستان اٹی 8 فروری آ جمعیت علماء اسلام غٹ آن بھلا جماعت جوڑ مرسا مون آ بریک ، وزیراعلیٰ بلوچستان جمعیت آن مریک ، نواب محمداسلم رئیسانی صوبہ نا غٹ قوم تا نواب ءِ، بلوچستان آن دشمنی تے چٹفنہ و صوبہ ءِ امن نا وت اس جوڑ کینہ۔ داخیال آتا درشانیءِ او ساروان ہاؤس اٹی سردار الیار بدوزئی ءِ جمعیت علمااسلام اٹی شمولیت آمبارکبادی تس۔ داوخت آ مسکوہی وزیراعلیٰ بلوچستان نواب محمد اسلم رئیسانی و جمعیت علماء اسلام نا ایلو راہشونک ہم ساڑی ئسر۔ جمعیت علماء اسلام نا صوبائی امیر ومسکوہی صوبائی وزیر مولانا عبدالواسع نا پاننگ ئس کہ 8 فروری نا گچین کاری تیٹی پبی سرسہبی دوئی کینہ داسہ جمعیت علما اسلام نا پلیٹ فارم آن تین پہ تینی خارک چٹنگ ءُ بلوچستان اٹی امن اتینہ و صوبہ ءِ شونداری نا کنڈآ دینہ، اوکوئٹہ و مستونگ آن بروک آ غٹ مہمان تا منت واری ءِ ہرفے۔
