دبئی۔ 01 دسمبر (اے پی پی) نگران وزیراعظم انوارالحق کاکڑ اقوام متحدہ نا 28 می کانفرنس آف پارٹیز (کوپ28) نا بڑزکو کہولی دیوان اٹی بشخ ہلنگ کن اینو( جمعہ نادے آ) زرہ سے آن پد دوبئی ایکسپو سٹی آ سرمریک۔ جمعہ نادے آ وزیراعظم میڈیا آفس آن جاری بیان نا رداٹ متحدہ عرب امارات نا صدر شیخ محمد بن زید النہیان و اقوام متحدہ نا سیکرٹری جنرل انتونیوگوتریس دوبئی ایکسپو سٹی آ بننگ آ وزیراعظم ءِ بخیرکیک۔ وزیراعظم اینو ورلڈ کلائمیٹ ایکشن سمٹ نا بنائی سیشن اٹی بشخ ہلیک ۔ کانفرنس نا سائیڈ لائنز آ وزیراعظم نا نیدرلینڈز و استونیا نا وزیراعظم آتون اوڑدہی نا گمان ءِ۔ نگران وزیراعظم زیدسسٹین ایبلٹی ایوارڈ نا دود اٹی ہم بشخ ہلیک۔ وزیراعظم تون اوار نگران وزیرخارجہ جلیل عباس جیلانی، نگران وزیرخزانہ ڈاکٹر شمشاد اختر، نگران بنجائی وزیر موسمیاتی بدلی احمد عرفان اسلم و نگران وزیرتوانائی محمد علی ئسک ہم کوپ 28 اٹی بشخ ہلنگ اٹی ءُ۔

متعلقہ مضامینمصنف کی طرف سے مزید