فریال تالپور نا پی پی کوئٹہ جلسہ غان پدی بننگ آ ٹریفک شکست اٹی انسانی جونی نسخان تا زیان آ است ہسونی نا درشان

کراچی۔ 01 دسمبر (اے پی پی) پاکستان پیپلزپارٹی شعبہ زالبول نا مرکزی صدر فریال تالپور پی پی کوئٹہ جلسہ غان پدی بننگ آ ٹریفک شکست اٹی انسانی جان تا زیان آ است ہسونی نا درشانی ءِ کرینے۔ میڈیا سیل بلاول ہاؤس نا کنڈآن جاری بیان نا رداٹ فریال تالپور شکست اٹی تعلقدار نوشہرہ فیروز نا صدر خلیفہ شکیل میمن، میر نادر چانڈیو، رضوان سومرو، گہنو ٹگڑ و مظفر بھٹو نا کزیت آ است ہسونی نا درشانی ءِ کرینے۔ اوپارے کہ است ہسون شکست نا خبر ءِ بنگٹ بھاز ڈکھیائی مس، اللہ تعالیٰ ایماندار تے جنت الفردوس اٹی جاگہ ایتے۔ فریال تالپور پارے کہ پدسلوک خاہوت آتا غم اٹی بریبر نا شریک اُٹ، اوفتے کن صبر وجمیل کن دعاکیوہ۔ یات سلے کہ کوئٹہ جلسہ ٹی بشخ ہلنگ آن پد خلیفہ شکیل میمن نا گاڈی پدی بننگ آ نوشہرو فیروز آ برسا شکارپور نا خڑک شکست نا گواچی مس۔