بلاول بھٹو زرداری نا نوشہرہ فیروز نا ٹریفک شکست اٹی جیالہ غاتا زوال کننگ آ است ہسونی نا درشان

کراچی۔ 01 دسمبر (اے پی پی) پاکستان پیپلزپارٹی یوم تاسیس نا جلسہ ٹی بشخ ہلنگ آن پد واپسی آ نوشہرہ فیروز پی پی نا صدر تون اوار پنچ کارندہ ٹریفک شکست اٹی زوال کریر، بلاول بھٹو زرداری شکست اٹی انسانی جان تا زیان آ است ہسونی نا درشانیءِ کرے۔ میڈیا سیل بلاول ہاؤس نا کنڈآن جاری اعلامیہ نا رداٹ زوال کروک آتیٹی تعلقدار صدر خلیفہ شکیل میمن، میرنادر چانڈیو، رضوان سومرو، گہنوٹگڑو مظفر بھٹو اوار ءُ۔ کوئٹہ جلسہ ٹی بشخ ہلنگ آن پد خلیفہ شکیل میمن تینا سنگت آتون اوار پدی نوشہرو فیروز آ بسکہ تو  شکارپور نا خڑک اوفتا گاڈی شکست نا گواچی مس۔ بلاول بھٹو زرداری پارےکہ خلیفہ شکیل میمن و زوال کروک آ ایلو جیالہ غاک پارٹی نا سرمایہ ئسر، پارٹی کن اوفتا خذمت آتے مدام یات تخنگک، کنتون اوار مچ آ پارٹی پدسلوک آ خاہوت آتا غم اٹی بریبرنا شریک ءُ، اللہ تعالیٰ اوفتے صبر وجمیل عطاکے۔ بلاول بھٹو زرداری خلیفہ شکیل میمن و میر نادر چانڈیو تون اوار زوال کروک آ ہرپنچ آ جیالہ غاتیکن جنت الفردوس نا دعاکرینے۔