الیکشن کمیشن مسہ سلاہکار تا کنڈآن میرات آتا گوشوارہ جمع کرفپننگ آ سیکرٹری کابینہ ڈویژن ءِ چٹھی اس مون تس

اسلام آباد۔ 01 دسمبر (اے پی پی) الیکشن کمیشن مسہ سلاہکار تا کنڈآن میرات آتا گوشوارہ جمع کرفپننگ نا بابت سیکرٹری کابینہ ڈویژن ءِ چٹھی اس مون ترسا اودے پاننگانے کہ کابینہ نا تعلقدار باسک آ تامیرات آتا سرجم آتے دوئی کرسا جمع کرفنگے۔ جمعہ نا دے آ الیکشن کمیشن نا ڈپٹی ڈائریکٹر نا کنڈآن سیکرٹری کابینہ ڈویژن ءِ چٹھی اس مون تننگا ہراٹی اودے پاننگانے کہ سلاہکار ایوی ایشن  ایئرمارشل (ر) فرحت حسین خان، اسٹیبلشمنٹ احمد خان چیمہ و فنانس نا سلاہکار وقار مسعود خان نا کنڈآن داسکان تینا میرات آتا سرجم آتے جمع کرفنگتنے۔ کابینہ ٹی دا تعلقدار باسک آتیان اوفتا گوشوارہ غاتا سرجم آتے ہلسا الیکشن کمیشن اٹ جمع کرفنگے۔