جہانی بینک انا نائب صدر مارٹن ریزر زرگزرانی نظام اٹ گچینی، گچین اصلاحات، کشاری و صنعتی بشخ انا پیدوار آ خراج خلنگ نا قابل عمل سلاہ تس، سینیٹر محمد عبدالقادر

کوئٹہ۔ 01 دسمبر (اے پی پی) چیئرمین اسٹینڈنگ کمیٹی  پیٹرولیم و رسورسز و سیاسی و اقتصادی امور نا ماہر سینیٹر محمد عبدالقادر پارینے کہ پاکستان 1990 اسکان ڈیہہ اٹی فی کس آمدنی نا لحاظ اٹ بڑزآن ارٹ میکو نمبرآ ئسک داسہ شیف آن ارٹ میکو نمبرآٹی ءِ، جہانی بینک انا نائب صدر مارٹن ریزرنا پاننگ ءِ کہ پاکستان ءِ خراج ٹوجی ڈی پی کچ 2 آن 3 درسد اسکان ودفوئی مریک خڑچ و خراج اصلاحات آ اواری اٹ کاریم کننگ نا گرج ءِ بالکل بجاءِ اونا داپاننگ کہ کشاری بشخ انا پیدوار ءِ ودفسا اوڑآ خراج خلوئی مریک ہم بالکل درست ءِ۔ داڑے جاری مروک اسہ بیان اسے ٹی سینیٹر محمد عبدالقادر پارے کہ جہانی بینک انا نائب صدر نا پاننگ کہ خراج نا عدم ادائیگی و وڈی خوری ملکی شونداری و شونہالی نا کسر اٹ اڑاند ءِ اسہ وڑاسے ٹی ہم گوجالنگ مفک مارٹن ریزر پاکستان اٹ لس گچین کاری تیان مست الس، سیاسی جماعت و پالیسی ساز آتا اسہ جوان پالیسی ڈائیلاگ اسے نا ہم پارے  مارٹن ریزر نا داہم پاننگ ءِ کہ وام تا ری اسٹرکچرنگ نا فائدہ زرگزرانی اصلاحات آتا خواہندار ءِ۔ اودامشورہ ءِ ہم تس کہ درملکی زرکاری ءِ اتنگ کن ملکی نظام نا خرابی تے مر کننگ و گچین اصلاحات کروئی مریک۔ اوپارے کہ جہانی بینک انا نائب صدر دا سلاہ ءِ ہم تسنے کہ بھلا بھلا ڈغار تا مالک و جاگیر دار تینا کٹیاتیاخراج تفننگ ءُ صنعت کار آک تینے من پسند پالیسی تا پدی ڈکانو ریئل اسٹیٹ اٹ زرکاری کروک آکم خراج ایترہ ہندا وڑ کیہی ہندن ءُ تپہ ءُ ہرا حکومت آن سبسڈی دوئی کیرہ ولے خراج تفسہ داہم پاننگاکہ بوسیدہ خراج اسٹرکچر نا سوب آن پاکستان ءِ ہرسال اسہ تہائی خراج وصولی تا نسخان مریک۔ چیئرمین قائمہ کمیٹی پارے کہ نائب صدر جہانی بینک داہم پارے کہ پین فرم آتے خراج نیٹ اٹ اوار کننگ کن غٹ صوبہ غاتیٹی جی ایس ٹی نظام ءِ ہم گرنچ کننگ نا گرج ءِ ڈغار و جائیداد آتیا خراج آتیٹی ودکی آن اسہ کنڈآ خراج ریونیوودک تو ایلو کنڈآ پیدواری سرجز و زرکاری ٹی ہم ودکی مریک فنانس کمیشن و 18 می ترمیم آ نظرثانی نا ٹک آتیا ہم چکارکننگ نا مشورہ تننگانے داہم پاننگاکہ ایس آئی ایف سی جوان ءُ گام اسے ولے زرکاری نا جم فضاءِ گچین کروئی مریک۔