کوئٹہ۔ 01 دسمبر (اے پی پی) پاکستان پیپلزپارٹی نا مرکزی راہشون مسکوہی صوبائی وزیر حوالکاری ظہور احمد بلیدی کوئٹہ ٹی پیپلزپارٹی نا صف آتیٹی اوار مروک آ پوسکن آ سنگت آتے مبارکبادی ترسا پارینے کہ اوفتا اواری آن بلوچستان اٹی پاکستان پیپلزپارٹی پین سوگو مریک و بروک آ گچین کاری تیٹی میدان ءِ کٹک۔ مسکوہی صوبائی وزیر حوالکاری ظہور احمد بلیدی پیپلزپارٹی ٹی شمولیت اختیار کروک آ مسکوہی صوبائی وزیر تعلیم میر نصیب اللہ خان مری، مسکوہی صوبائی وزیر لیبر سردار سرفراز خان ڈومکی، مسکوہی بنجائی وزیر میرحسن خان ڈومکی، میر حیربیارخان ڈومکی، مسکوہی باسک اسمبلی ثمینہ مروت، مینا مجید، میر لیاقت علی لہڑی، میردوران خان کھوسہ، حاجی نثار خان کھوسہ، سردار زادہ انعام کھیتران، ولی خان غیبزئی، علاؤالدین کاکڑ، اکبراچکزئی و ایلواہم شخصیت آتے مبارکبادی ترسا پارے کہ اوفتا بننگ آن پیپلزپارٹی بلوچستان اٹی پین گچین قوت اس جوڑ مرسا مون آ بریک و 8 فروری نا گچین کاری تیٹی پبی سرسہبی دوئی کیک۔
