کوئٹہ۔ 30 نومبر (اے پی پی)گورنر بلوچستان ملک عبدالولی کاکڑ پارینے کہ چمن اسہ واپاری ءُ شار اسے کہ داجاگہ نا الس بھاز زیات مہمان نواز ءُ و پیشن نا ملک آتیٹی گچین کاروباری ساکھ اس تخرہ۔ داہیت ءِ او چمن نا دورہ نا وخت آ چمن پر لت کمیٹی تون مذاکرات آن پد فیڈریشن آف پاکستان چیمبر آ ف کامرس اینڈ انڈسٹری نا نائب صدر حاجی جمالدین اچکزئی نا کنڈآن تروک آ سُوارہ نا وخت آ گپ وتران کرساپارے۔ سُوارہ ٹی مسکوہی صدر فیڈریشن آف پاکستان چیمبرز آف کامرس اینڈ انڈسٹریز انجینئر داروخان اچکزئی تون اوار چمن نا قبائلی متبر، سیاسی راہشون ، عالم دین و پرلت کمیٹی نا باسک آک بشخ ہلکر، داوخت آ حاجی جمال الدین اچکزئی گورنر بلوچستان ملک عبدالولی کاکڑ ءِ سوینئر و ٹیکی پیش کرے، وخت اس کہ انجینئر داروخان اچکزئی گورنر ءِ نہادی ءُ قالین اس ٹیکی ٹی تس۔ گورنر بلوچستان ملک عبدالولی کاکڑ پارے کہ چمن اٹی برجادھرنہ نا بابت اسہ ہفتہ ٹی مثبت پیش قدم نا خوشخبری ملک۔