کوئٹہ۔ 30 نومبر (اے پی پی)چیئرمین اسٹینڈنگ کمیٹی پیٹرولیم و ریسورسز و سیاسی و اقتصادی امور نا ماہر سینیٹر محمد عبدالقادر پارینے کہ ایشیائی شونداری بینک(اے ڈی بی ) پنجاب کن 18 کروڑ ڈالر وام انا منظوری ءِ تسنے ، ایشیائی شونداری بینک انا کنڈآن تروک آ زر ءِ پنجاب اٹی دیر انا فراوانی و سالڈویسٹ مینجمنٹ سروسز آ خڑچ کننگک ڈٹ آن 15 لکھ مخلوق نا فائدہ ہرفنگ نا گمان ءِ۔ داڑے جاری مروک اسہ بیان اسے ٹی سینیٹر عبدالقادر پارے کہ جہانی مالیاتی ادارہ شونداری ڈٹ آتیکن اگہ براہ راست صوبہ غاتے وام ایتے و صوبہ غاک دا وام تے تینٹ ایتر تو داڑآن بنجاآ وام تا بھاریم ہم کم مریک و صوبائی کہول آ جوڑ کروک آ ڈٹ آتا سوب آن شونداری ہم گچین وڑاٹ مننگ کیک ولے داچرجوئی ٹی گرج داہیت انا ءِ کہ صوبہ غاک باقاعدہ اونا اسہ مربوط و شفاف میکنزم اس جوڑ کیر تانکہ ڈٹ آتا وخت آ پورو مننگ کیر و اوفتا آب ہم کمپرومائزمف غٹ صوبہ غاک اگہ جہانی مالیاتی ادارہ غاتیان براہ راست وام ہلیر و صوبائی شونداری ڈٹ آتیا خڑچ کیر تو غٹ صوبہ غاتیتی ہندی کہول آ شونداری و شونہالی برے۔ اوپارے کہ خصوصی وڑاٹ بلوچستان جہانی بینک و مالیاتی ادارہ غاتیان وام ہلسا ہندی آبادی نا شونداری نا بابت ڈٹ آتے پورو کننگ کیک بلوچستان اٹی دیر انا فراوانی، تعلیم و جان جوڑی نا بشخ خاص چکار خوارہ صوبہ اگہ براہ راست وام ہلنگ نا مجاذ ءِ تو اوفتے دا وام تا وخت آ ادائیگی نا بابت ہم زمواری نا درشانی ءِ کروئی مریک۔
