لاہور۔ 30 نومبر (اے پی پی) لاہور نا انسداد دہشت گردی ناخصوصی عدالت نہہ مئی نا واقعہ غاتیٹی جناح ہاؤس آ جلہو کیس اٹی پندار پی ٹی آئی سوشل میڈیا ایکٹوسٹ عائشہ علی بھٹہ تون اوار 112 دوبہ دار آتا ضمانت آتا درخواست آتیا سماعت چار دسمبر اسکان پدبٹسا بروک آ سماعت آ مقدمہ نا ریکارڈ ءِ بٹنگا۔ انسداد دہشت گردی عدالت نا جج ارشد جاوید ضمانت آتیا سماعت کرے۔ پنچ شنبے نادے آ سماعت آ سرکاری وکیل جاست وپاستی آفیسر تون اوار پیش مرسا عدالت ءِ پارے کہ مقدمہ نا ریکارڈ ہائیکورٹ اٹی ءِ خواست ءِ کہ ریکارڈ پیش کننگ نا مہلت تننگے۔ عدالت خواست ءِ منظور کرسا سماعت ءِ چار دسمبر اسکان پدبٹے۔ پی ٹی آئی سوشل میڈیا ایکٹوسٹ عائشہ علی بھٹہ تون اوار 112 دوبہ دار آک درخواست ضمانت دائر کرینو۔ دوبہ دار آتا برخلاف جناح ہاؤس جلہو کیس انا مقدمہ تھانہ سرور رڈ اٹی نوشتہ ءِ۔
