مسلم لیگ ن اسٹ انگا جماعت ءِ، ہرا غٹ بنجائی اکائی، آزاد و جموں کشمیر و گلگت بلتستان اٹی عملی وڑاٹ ساڑی ءِ، مرتضیٰ جاوید عباسی

اسلام آباد۔ 30 نومبر (اے پی پی) مسلم لیگ ن خیبرپختونخوا نا سیکرٹری جنرل مرتضیٰ جاوید عباسی پارینے کہ ن  لیگ اسٹ انگا جماعت ءِ ہرا غٹ بنجائی اکائی، آزاد جموں وکشمیر و گلگت بلتستان اٹی عملی وڑاٹ ساڑی ءِ۔ پنچ شنبے نادے آآصف علی زرداری و بلاول بھٹو نا بیان آ تینا ردعمل اٹی اوپارےکہ پاکستان مسلم لیگ (ن) نا مقبولیت گڑاس مخلوق ءِ کیدنگ مفننگ ءِ۔ اوپارے کہ آصف علی زرداری و بلاول بھٹو نا پریس کانفرنس تینا ہی دعویٰ و پڑوتا نفی ءِ۔ مستین اٹ او پاریرہ کہ نن اسہ سیاسی جماعت اسے تون ہم سیوت کپنہ داسہ سیاسی جماعت آتون رابطہ کن کمیٹی جوڑ کننگانے، داسہ تو ہر سیاسی جماعت اٹی ’’یوٹرن سیاست‘‘ بناکرینے۔ اوپارے کہ آصف علی زرداری نا بیان جتا و بلاول نا جتاءِ، تینا بے سہبی تے ڈکھنگ کن او ہروارآنبار ایلوفتے دوبہ دار گوندنگ ءُ، اصل اٹ مسلم لیگ (ن) نا مقبولیت اوفتا نن نا تغ و دے انا آرام ءِ پلانے، غٹ چارہ کہ پی ڈی ایم سیوت آن دیر اس انت اکن اناگت پیش تماسس۔ اونا پاننگ ئس کہ داہیت انا اعتراف  ءِ توتینٹ آصف علی زرداری کرے کہ بلاول داسہ ہیل کننگ ءِ، ساف نظربننگ ءِ کہ مسلم لیگ (ن) ملک انا ایلو بشخ آتیانبار خیبرپختونخوا ٹی ہم بھلو جماعت اس جوڑ مرسا مون آ بریک۔