کویت۔29نومبر (اے پی پی): ادارکی مزن وزیر انوارالحق کاکڑ ءَ گوشتگ کہ پاکستان کویت ءِ گوما وتی یکوئی آناں ارزشت دنت انت، دوئیں ملک آنی نیام ءَ تجارت، ھاٹیگ ، آئی ٹی، معدنیات، سرمایہ کاری ءَ ھوار مھکمیں اقتصادی رابطہ آنی برجائی ءِ ضلورت انت۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ ادارکی مزن وزیر انوارالحق کاکڑ ءَ کویت ءِ ولی عہد شیخ مشعل الاحمد الجابر الصباح ءَ گوں گند ءُ نند کت۔ گند ءُ نند ءَ ادارکی مزن وزیر ءَ کویت ءِ گوما پاکستان ءِ گوما ارزشت آنی درشان ءَ کنان ءَ جتا جتائیں شوبگ آنی تہ ءَ دو نیمگی کمک آناں گیش شاھیگانی دیگ ءِ واھشت ءِ درشان کت۔ مزن وزیر ءَ دوئیں ملک آنی نیام ءَ گیش یکجائی فورمز آنی تہءَ نزیکیں کمک آنی درشان کت۔ آئیءَ جان سلامتی، سیکورٹی ، انفراسٹرکچر ءِ شوبگ ءَ پاکستانی لس مردم آنی بھرتی کنگ ءُ برگ ءِ گامگیج ءَ را ساڑات۔ کویت ءِ ولی ل عہد ءَ پاکستان ءِ گوما دو نیمگی یکوئی آناں گیش شاھیگانن کنگ ءِ ھوالگ ءَ دل یکیمی ءِ درشان کت۔
