کویت۔ 29 نومبر (اے پی پی) نگران وزیراعظم انوارالحق کاکڑ تینا اِرادے ئی دورہ کن کویت آ سرمسنے۔ تدوک آدے وزیراعظم آفس نا میڈیا ونگ آن جاری کروک بیان نا رداٹ کویت آ سرمننگ آ کویت نا وزیر بجلی، دیر و قابل تجدید توانائی ڈاکٹر جاسم محمد عبداللہ الاستاد وزیراعظم ءِ جم وجوش اٹ بخیرکرے۔ داوخت آ پاکستان نا کویت اٹی سفیر ملک محمد فاروق و ہڑتوم آملک آتا بڑزکو سفارتی کارندہ غاک ہم ساڑی ئسر۔ دورہ ٹی وزیراعظم ولی عہد کویت شیخ مشعل الاحمد الجابر الصباح و زیراعظم شیخ احمد النواف الاحمد الصباح تون اوڑدہی کیک۔ نگران وزیراعظم نا دورہ ءِ کویت ہڑتوم آ ملک آتا نیام اٹ اقتصادی و زرگزرانی کمکاری نا پوسکن آ دور بناکیک ہراٹی افرادی قوت ، انفارمیشن ٹیکنالوجی ، معدنیات و کانڑ کنی ، غذائی رکھ ، توانائی و دفاع نا بشخ آتیٹی تین پہ تینی کمکاری نا مفاہمتی یات داشت آتیا دستخط مریک۔

متعلقہ مضامینمصنف کی طرف سے مزید