ابوظہبی۔ 29 نومبر (اے پی پی) نگران وزیراعظم انوارالحق کاکڑ نا دورہ ءِ متحدہ عرب امارات ایسر مس ، وزیراعظم کویت نا سرکاری دورہ غا ابوظہبی نا البطین بالی پٹ آن کویت سٹی کن روانہ مس ہراڑے کویتی سرکڑدہ غاتون اوڑدہی آن بیدس نگران وزیراعظم نا ساڑی گری ٹی افرادی قوت، انفارمیشن ٹیکنالوجی، معدنیات و کانڑکنی ، غذائی رکھ، توانائی و دفاع نا بشخ آتیٹی تین پہ تینی کمکاری نا مفاہمتی یات داشت آتیا دستخط ہم مریک۔ وزیراعظم آفس نامیڈیا ونگ آن جاری بیان نا رداٹ بالی پٹ آ متحدہ عرب امارات نا وزیر توانائی و انفراسٹرکچر سہیل محمد المزروعی و پاکستانی سفارتی عملہ نگران وزیراعظم  ءِ رخصت کریر۔ دورہ ءِ کویت اٹی نگران وزیراعظم ولی عہد کویت شیخ مشعل الاحمد الجابر الصباح و وزیراعظم شیخ احمد النواف الاحمد الصباح تون اوڑدہی کیک۔ دورہ ٹی ہڑتوم آ ملک آتا نیام اٹ اقتصادی و زرگزرانی کمکاری نا پوسکن آ دور بناکیک و چندی بشخ  ہرافتے ٹی افرادی قوت، انفارمیشن ٹیکنالوجی ، معدنیات وکانڑکنی ، غذائی رکھ ، توانائی و دفاع نا بشخ آتیٹی تین پہ تینی کمکاری نا مفاہمتی یات داشت آتیا دستخط مریک۔

متعلقہ مضامینمصنف کی طرف سے مزید