کویت۔ 29 نومبر (اے پی پی) نگران وزیراعظم انوارالحق کاکڑ نا بڑزکو کویتی سرکڑدہ غاتون اوڑدہی کن البیان محل آ سرمننگ آ اودے جم وجوش اٹ بخیر کننگا ۔ محل آ سرمننگ آ کویت نا اول نائب وزیراعظم و وزیرداخلہ شیخ طلال الخالد الاحمد الصباح اودے بخیرکرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ نگران وزیراعظم ءِ کویتی امیری گارڈ انا دستہ گارڈ آف آنر پیش کرے و ہڑتوم آ ملک آتا ترانہ ءِ پیش کننگا۔ نگران وزیرخزانہ ڈاکٹر شمشاد اختر، نگران وزیر توانائی محمد علی، نگران وزیر واپار گوہر اعجاز، نگران وزیرکانود ، موسمیاتی بدلی و آبی کوڑی احمد عرفان اسلم و نگران وزیراعلیٰ پنجاب محسن نقوی ئسک ہم نگران وزیراعظم تون اوار ئسر۔

متعلقہ مضامینمصنف کی طرف سے مزید