اسلام آباد۔ 29 نومبر (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ قومی انسداد پولیو مہم پبی وڑاٹ برجاءِ، جہانی ادارہ جان جوڑی نا کمک اٹ 500 بنداوی جان جوڑی ہند آتے گچین کننگ انگ ءِ، میڈیا انسداد پولیو مہم ءِ سرسہب کننگ کن کڑد اداکے۔ چارشنبے نادے آ پولیو نا چٹفنگ نا بابت دود آن تران کرسا اوپارے کہ برجاقومی انسداد پولیو مہم اٹی ہچ ءُ اڑاند اس پیش مفننگ ءِ۔ اوپارےکہ قومی ہیلتھ کارڈ انا آسراتی آن غٹ نیزگار فائدہ ہرفنگ ءُ۔ نن دادے پین پائیدار کننگ خوانہ۔ اوپارےکہ صوبہ غاتون اواری اٹ اسہ میکنزم اس اتنگ اُن تانکہ اسہ پاکستان، اسہ پالیسی و اسہ نظام اس مرے۔ اوپارے کہ مون انگا زڑدوئی نا کنٹرول نا پروگرام اس ایسونن، گوبل فنڈ انا کمک اٹ ننا پروگرام برجاءِ۔ ٹی بی ، ملیریا و ایچ آئی وی نا انسداد نا پروگرام برجاسلک۔ اوپارے کہ 432ملین ڈالرنا قومی ہیلتھ سپورٹ پروگرام آن مچ آملک اٹی ہسپتال آتیٹی گچینی اتینہ۔ ہراڑے ازباب یا انفراسٹرکچر درکارمریک دا فنڈ آن اوفتے ایتنہ۔ اوپارےکہ نن تینا پولیو ٹیم تا است بڈی ءِ کینہ۔ کاریم جوان مننگ ءِ ۔ خطرہ غاتا سوب آن نن محتاط اُن، ننے دا پروگرام ءِ مون آ دروئی ءِ۔
