لاہور۔ 29 نومبر (اے پی پی) مسکوہی وزیراعظم محمد شہباز شریف پارینے کہ 9 مئی نا آلہ کار آتا کمکاری ملک دشمنی ءِ، دادے اسہ سازش اس کننگا ہراٹی حساس ادارہ غاتے شست کننگ نا ناپاک سازش کننگا، غداری ءِ تو اسہ جمہوری حکومت اس ہم سگپک۔ چارشنبے نادے آ احتساب عدالت اٹی پیشی نا وخت آمیڈیا تون گپ وتران کرسا محمد شہباز شریف پارے کہ کس اسے سماالوکہ تحریک انصاف بھسکاری اس جوڑ مریک۔ شہباز شریف پارے کہ لیول پلینگ فیلڈ دادے کہ محمد نواز شریف اسلام آباد نا عدالت اٹ پیش مننگ ءِ و ای انصاف کن لاہور نا عدالت اٹ پیش مسونٹ، نن مدام عدلیہ نا شرف ءِ کرین۔ مسلم لیگ (ن) نا صدر پارے کہ محمد نواز شریف انشاء اللہ گچین کاری مہم اٹیی تینا منشور نا پڑو ءِ کینہ، گچین کاریک وخت آ مریر، نن پورو تیاری اتون گچین کاری مہم اٹ داخل مننگ اُن۔
