کوئٹہ۔ 29 نومبر (اے پی پی) نگراں صوبائی وزیر تعلیم ڈاکٹر قادر بخش بلوچ پارینے کہ بلوچستان اٹی تعلیم نا مون آ دننگ کن غٹ ءِ اواری اٹ کڑد ادا کروئی مریک۔ اوبوائز اسکاؤٹس اٹی محکمہ تعلیم اٹی کزیت کروک ملازم آتا کوٹہ غا بھرتی مروک آ بندغ آتیٹی آرڈر کاپی بشخنگ نا دود آن تران کرسا پارے کہ محکمہ تعلیم اٹ ملازمت دوئی کروک آ استاد و ایلو اسٹاف آ زمواری مریک کہ او صوبہ نا شونداری و شونہالی ٹی حکومت تون تفر۔ اوپارے کہ اینو خاہوت کوٹہ غا اوفتا چناتے تعینات کننگ آ اودے بھاز خوشی مسنے، چوری تے اوفتا حق تننگ اوڑکن خوشی نا سوب ءِ، و اللہ پاک دانا صلہ ءِ ضرور ایتک۔ خاہوت آتا کوٹہ غا عملدرآمد مفننگ آ بھاز انگا مخلوق مایوسی نا گواچی ئسر، نگراں حکومت بھاز چنکووخت اسے ٹی تعیناتی نا عمل ءِ پک کرے۔
