کوئٹہ۔ 29 نومبر (اے پی پی) چیف سیکرٹری بلوچستان شکیل قادر خان پارینے کہ غیرکانودی پردیسی تا پدی ہِننگ نا چرجوئی برجاءِ، صوبائی حکومت و انتظامیہ غیرکانودی وڑاٹ رہینگوک درملکی تا پدی ہِننگ نا عمل جوان وڑاٹ سرتننگ انگ ءِ، غیرکانودی پردیسی تا پاکستان آن رکھ و باعزت کشنگ ءِ پک کننگ انگ ءِ ۔ داخیال آتا درشانی ءِ او غیرکانودی وڑاٹ رہینگوک درملکی بندغ آتا باعزت وڑاٹ اوفتا ملک آ پدی ہِننگ کن ایلو گام گیج آتیان بیدس اوفتا عارضی ہنکین کن چندی ضلع غاتیٹی غٹ آسراتی تیان آراستہ ٹرانزٹ کیمپس جوڑ کننگانے۔ داوخت آ ایڈیشنل چیف سیکرٹری داخلہ دیوان ءِ پارے کہ داتم اسکان 1 لکھ 36 ہزار آن زیات غیرکانودی باتی بلوچستان آن تینا ملک آ ہنار۔ چیف سیکرٹری پارے کہ چمن، بادینی و برابچہ کراسنگ نا گچینی ءِ پک کننگے تانکہ آخبت اٹ واپار کن کاریم اٹ اتنگ مرے، ہراڑآن روزگار نا وارخواہی و زرگزران آ مثبت اثرمرتب مریک۔
