برسلز۔ 29 نومبر (اے پی پی) ترک وزیرخارجہ خاقان فیدان بیلجیئم اٹی امریکی وزیرخارجہ انٹونی بلنکن تون اوڑدہی کرے و غزہ ٹی تازہ انگا پیش رفت و سویڈن نا نیٹو رکنیت آ گپ وتران کرے۔ ترک خبررساں ادارہ نا رداٹ ترک وزارت خارجہ تینا ایکس اکاؤنٹ آ پارے کہ خاقان فیدان برسلز اٹی مروک آ نیٹووزراء خارجہ نا دیوان آن مست امریکی وزیرخارجہ انٹونی بلنکن تون اوڑدہی کرے۔ امریکی امور خارجہ نا رداٹ انٹونی بلنکن پارے کہ ہراسٹ غزہ نا تنکی آ کاریم کننگ ءِ وخت اس کہ داڑے نیٹو دیوان اٹی بھاز انگا ویل آک ءُ ہرافتے ٹی سویڈن نا رکنیت ہم اوار ءِ، ننتون بھاز انگا ایلو ویل آک ءُ نیز یوکرین نا برخلاف روس انا جلہو ہم برجاءِ۔ اوپارے کہ او نیٹو نا اسہ اہم و قابل قدر سیوتی ترکیہ نا کمکاری آ منت وار ءِ۔
