اسلام آباد۔ 28 نومبر (اے پی پی) اینٹی نارکوٹکس فورس (اے این ایف ) منشیات اسمگلنگ نا برخلاف کریک ڈاؤن کرسا 3 کارروائی تیٹی 34 کلوگرام آن زیات منشیات دوئی کرسا 3 دوبہ دار ءِ دزگیرکرینے۔ ترجمان اے این ایف نا رداٹ مری ایکسپریس وے اسلام آباد نا خڑک ہندی ہنکینی اسے آن 3.6 کلوگرام چرس دوئی کننگا، بلیلی چیک پوسٹ کوئٹہ نا خڑک گاڈی اسے آن 28.8 کلوگرام چرس دوئی کرسا دوبہ دار ءِ دزگیرکننگا۔ اسہ پین کارروائی اسے ٹی آرسی ڈی ہائی وے آ قلعہ عبداللہ نا ہنکینی دوبہ دار اسے آن 2 کلو آئس دوئی کننگا، دوئی مروک آئس آتے مٹھائی نا ڈبہ غاتیٹی اودیم کرسا اسمگل کننگاکہ۔ دزگیر دوبہ دار آتا برخلاف منشیات تور ایکٹ نا رداٹ مقدمہ درج کرسا مستی جاست وپاست نا بناءِ کننگانے۔
