اسلام آباد۔ 28 نومبر (اے پی پی) نگران بنجائی وزیر قومی جان جوڑی ڈاکٹر ندیم جان پارینے کہ 35.4 بلین روپئی نا خڑچ آن قومی کہول آ ہیپاٹائٹس پروگرام نا بناءِ کننگ انگ ءِ۔ سے شنبے نادے آ وزارت جان جوڑی آن جاری بیان نا رداٹ داخیال آتا درشانی ءِ او وزارت قومی جان جوڑی ٹی بین الصوبائی وزراء جان جوڑی نا دیوان اٹی کرے۔ اوپارے کہ نیشنل ہیلتھ سپورٹ پروگرام نا ہم بناءِ کننگ انگ ءِ ہرانا سوب آن پرائمری ہیلتھ کیئر سسٹم ءِ سوگو کننگک۔ اوپارے کہ جہانی ادارہ جان جوڑی (ڈبلیو ایچ او ) نا کمک اٹ 500 بنداوی جان جوڑی ہند آتا اپ گریڈیشن و پورو فعالی نا ڈٹ گونڈ انگا مد اٹی پورو کننگ انگ ءِ و دانا بھاریم ءِ قومی خزانہ غا شاغنگ پننگک۔ دیوان اٹی جان جوڑی نا بشخ انا گچینی کن چندی سرحال آتیا است انا حب اٹ گپ وتران مس و اہم امنائی فیصلہ کننگا وخت اس کہ دیوان اٹی غٹ صوبہ غاتا وزیر جان جوڑی و نمائندہ غاک بشخ ہلکر۔
